Kreu i Partisë Demokratike Lulzim Basha, ërmes një deklarate në Facebook, ka dënuar ashpër sulmin ndaj analisiti Fatos Lubonja.

Basha shprehet se kjo dhunë fizike vjen në klimën e dhunës psikologjike, gjuhës së urrejtjes dhe sulmeve të Edi Ramës kundër zërave kritikë dhe medias jashtë kontrollit të tij.

Ndërkohë autori i ngjarjes, i cili goditi me gur makinën e analistit Fatos Lubonja, është identifikuar dhe arrestuar.

Mësohet se efektivët e komisariatit nr.2 në Tiranë e kanë ndaluar tek Komuna e Parisit, ndërsa autori mbante në dorë një thikë.

Autori Arben Haçkaj, i cili dyshohet se është me probleme mendore.

Postimi i Bashës

Dënoj me ashpërsi dhunën e drejtuar kundër intelektualit publik Fatos Lubonja. Kjo dhunë fizike vjen në klimën e dhunës psikologjike, gjuhës së urrejtjes dhe sulmeve të Edi Ramës kundër zërave kritikë dhe medias jashtë kontrollit të tij. Është detyra jonë të mbrojmë dhe mbështesim zërat e lirë si Fatos Lubonja ndaj ju ftoj të gjithë të solidarizohemi me të dhe çdo media dhe zë kritik.