Ky sezon televiziv ka qenë me prurje të bollshme televizive, e një ndër to është edhe “Për’puthen”.

Për shkak të gjithë suksesit të këtij emisioni në YouTube, autorja e programit Olsa Muhameti ishte e ftuar në “N’Kosovë Show” me Shpëtim Deskun.

Teksa po tregonte vështirësitë e të bërit një program si “Për’puthen”, autorja ka folur edhe për konkurrentët e formatit.

“Unë mendoj që është një dobësi e imja, që do e ndryshoj që në 1 Janar… të gjitha audicionet do bëhen me një psikolog”, – ka treguar Muhameti. “Sepse unë dua të vlerësoj shëndetin mendor të disa personazheve që kanë hyrë në ‘Për’puthen’”.

E pyetur nga moderatori nëse ka pasur persona me probleme mendore në program, Olsa përgjigjet: “Probleme mendore është fjalë e madhe, por mendoj që fama ka ndikuar të disa me ç’rregullim”.

Autorja nga ana tjetër nuk ka përmendur ndonjë emër të konkret për këtë.