Presidenti Ilir Meta, mëngjesin e sotëm ka postuar një foto te Liqeni ndërsa po konsumon kafenë. Ai ka kujtuar dhe shkrimtarin e madh shqiptar Dritëro Agolli duke ndarë një poezi të tij, në 5-vjetorin e ndarjes nga jeta.
Postimi i Metës:
Me qetësi dhe poezi, duke kujtuar Dritëroin e madh, me rastin e 5-vjetorit të ndarjes prej nesh:
“Po kur të jesh mërzitur shumë,
Në raft të librave kërkomë,
Atje do të jem i fshehur unë,
Në ndonjë varg a ndonjë shkronjë,
Mjafton që librin pak ta heqësh
Dhe unë do zbres, do vij pas teje;
Ti si dikur me mall do qeshësh,
Si një blerim pas një rrekeje”./albeu.com