UPDATE - Te arrestuarit nga policia dyshohet se kanë keqpërdorur nje nga fazat e privatizimeve ne Kosove.

Me rastin në fjalë përveç policisë së Kosovës, po merret edhe misioni EULEX.

16:30 - Aksioni i ndermarre nga Policia e Kosoves mesohet te jete bere pas një hetimi të gjatë që kishin bërë Krimet Ekonomike të cilat dyshohen për disa mashtrime, kontrata të dëmshme për 36 hektarë për privatizim ndertimesh në Prishtinë, transmeton Indexonline.

Per kete gje, dyshohen disa gjyqtare, zyrtarë të AKP-së si dhe biznismeni Mehmet Prishtina, pinjoll i familjes se Hasan Prishtines.

11:47 - Policia e Kosovës ka bastisur shtëpinë e dy zyrtarëve të Agjencisë Kosovare të Privatizimit.

Forcat policore kanë arrestuar dy zyrtarë të AKP-së, drejtorin ligjor Reshat Fetahun dhe juristin Gani Ademi, raporton Express.

Mësohet se ata janë arrestuar pasi dyshohen për tjetërsime ilegale të tokës.

Ndërsa, AKP-ja më vonë ka mohuar se në ambjentet e saj policia ka kyer arrestime.

"Asnjë zyrtar nuk është arrestuar", tha një zyrtar i AKP-së, Ylli Kaloshi.

Mediat marrin vesh se aksioni policor i realizuar lidhet me pronat e të dyshuarit kryesor “pinjolli” i Hasan Prishtinës, Mehemt Prishtina.

Ky i fundit njihet si një nga ndërtuesit më të mëdhenj në Prishtinë. /albeu.com/