Anulimi i zgjedhjeve nga Meta, Rama: E kuptuam ku fle lepuri
Kryeministri Edi Rama ka vijuar me fushatën elektorale, ndonëse Presidenti Meta firmosi çdekretimin e datës 30 qershor, si data e zgjedhjeve lokale.

I pranishëm në Divjakë, Rama tha se akti i fundit i Metës, sipas tij, zbardhi plotësisht planin.

"Do të kishim dëshiruar që këtë fushatë ta kishim garë me kundërshtarët tanë për të parë idetë dhe kandidatët më të mirë, por fatkeqësisht nuk ka ndodhur kështu, pasi kanë kapitulluar para se të fillojë ndeshja. Nuk përballen dot me ne në zgjedhje, kanë frikë nga gjykimi i njerëzve dhe të maten me ne duke bërë atë që politika duhet të bëjë dhe jo duke sharë dhe shpifur dhe kërcënuar.

Frika nga zgjedhjet dhe tmerri nga reforma në drejtësi dhe paniku ka bërë që të kthehen në një front kundër celjes së negociatave. Nesër do të flasim më shumë, por akti i fundit i Metës e ka zbardhur plotësisht planin dhe na ka dhënë të kuptojmë se ku fle tamam lepuri. Sigurisht që ne kemi bërë shumë por në asnjë mënyrë sa do të donim" tha Rama.
Shtuar më 12/06/2019, ora 19:03
Shkruani komentin tuaj!
Të fundit nga kjo kategori