Gavin Williamson ka dhënë dorëheqjen si ministër i qeverisë pas akuzave për bullizim, duke thënë se ai synon të pastrojë veten nga “çdo keqbërje”.
Ai ishte akuzuar për dërgimin e mesazheve abuzive ndaj një kolegu deputeti konservator muajin e kaluar dhe për ngacmimin e një nëpunësi të lartë civil si sekretar i mbrojtjes.
Gavin hodhi poshtë akuzat, megjithatë, shtoi se pretendimet po bëheshin një “shpërqendrim” nga “puna e mirë” e qeverisë.
Në letrën e tij të dorëheqjes, ai tha se po largohej nga qeveria me “trishtim të madh”, por i ofroi kryeministrit Rishi Sunak “mbështetjen e tij të plotë dhe totale”.
Ai më vonë shkroi në Twitter se nuk do të merrte asnjë pagesë nga puna, duke shtuar se paratë duhet të shkojnë drejt prioriteteve të qeverisë si “ulja e listave të pritjes së NHS”.
Në përgjigje, Sunak tha se ai pranoi dorëheqjen e tij “me pikëllim të madh” dhe falënderoi Gavin për “mbështetjen dhe besnikërinë e tij personale”.
“Angazhimi juaj ndaj qeverive të njëpasnjëshme konservatore dhe partisë gjatë viteve ka qenë i palëkundur.”/albeu.com
