A janë detyruar punonjësit të japin rrogën? Flet Rama
Kryeministri Edi Rama ka mbledhur edhe ditwn e sotme qeverinë për të diskutuar lidhur me situatën ku ndodhet vendi.

Mëngjesin e sotëm ai tha se po kalohet një vendim për krijimin e fondit të veçantë, i cili ndalon përdorimin e fondit të veçantë për veprimtari për social kulturore dhe shpërblim për Vitin e Ri.

“I falenderoj të gjithë ata që kanë marrë pjesë në dhurim, kryetarë bashkish dhe drejtues institucionesh. Refuzoj atë shpifjen që kemi detyruar punonjësit të japin rrogën se nuk kemi lekë. Asgjë nuk është bërë me detyrim! Ne vetë i dedikuam rrogën e nëntorit, kryetarë bashkish bënë të njëjtën gjë”, u shpreh Rama.

Ai tha se nuk do të ketë darka dhe valle për Vitin e Ri, por se të gjitha institucionet duhet të çojnë dhurata për fëmijët dhe një kohë nga periudha e festave duhet ta kalojnë me të prekurit e tërmetit.
Shtuar më 06/12/2019, ora 09:05

Shkruani komentin tuaj!
Të fundit nga kjo kategori