650 kg kanabis janë sekuestruar mbrëmjen e sotme në Tepelenë, dhe një person ka përfunduar në pranga.

Sasia e kanabisit, është zbuluar në Fushë-Dukaj në Tepelenë gjatë një aksioni blic të ndërmarrë nga Drejtoria e Policisë së Gjirokastrës në orën 15:30 minuta.

Nga informacionet paraprake, mësohet se i arrestuari quhet Zeman Kordha.

Gjithashtu bëhet me dije se është arrestuar dhe djali i shtetasit Zeman Kordha, ndërsa është shpallur në kërkim djali tjetër Delo Kordha.

Policia e Gjirokastrës është vënë në ndjekje të personit të dytë.

Bëhet me dije se një pjesë e mirë e kanabisit gati 300 kg, ishte e destinuar për t’u trafikuar me gomone drejt Greqisë apo destinacioneve të ndryshme me rrugë detare. /albeu.com/