6 milion euro për zgjedhjet e parakohshme në Kosovë
Këto zgjedhje pritet t’i kushtojnë kuletës shtetërore rreth 6 milionë euro, 2 milionë më shumë sesa zgjedhjet parlamentare të vitit 2017.

6 tetori do të jetë data kur gjithë qytetarët e Kosovës pritet t’u drejtohen kutive të votimit për t’ia dhënë legjitimitetin një qeverie të re në vend. Kështu ka vendosur presidenti i vendit Hashim Thaçi, i cili të hënën menjëherë pasi dekretoi shpërndarjen e legjislaturës së VI të Kuvendit të RepublikësKosovës, e caktoi edhe datën e mbajtjes së zgjedhjeve të jashtëzakonshme.

Në vendimin e nënshkruar nga Thaçi thuhet se: “Duke u bazuar në përgjegjësitë kushtetuese dhe ligjore, presidenti Thaçi ka marrë vendim që zgjedhjet e parakohshme për Kuvendin e RepublikësKosovës të mbahen më 6 tetor 2019”.

Po ashtu përmes këtij vendimi i është kërkuar KQZ-së të fillojë organizimin e zgjedhjeve.

“Udhëzohet Komisioni Qendror i Zgjedhjeve i RepublikësKosovës t’i ndërmarrë të gjitha veprimet e nevojshme për organizimin dhe për mbajtjen e zgjedhjeve për Kuvendin e RepublikësKosovës, në përputhje me këtë vendim dhe legjislacionin në fuqi”, thuhet në më tej në këtë vendim.

Në anën tjetër sipas parashikimeve të para, 6 milionë euro pritet të jetë kostoja për buxhetin e Kosovës e zgjedhjeve të parakohshme parlamentare, shkruan “Zëri”.

Në pritje të një opinioni këshillues nga Gjykata Kushtetuese, Ministria e Financave ende nuk ka bërë ndarjen e mjeteve buxhetore për KQZ-në.
Shtuar më 27/08/2019, ora 08:56

Shkruani komentin tuaj!
Të fundit nga kjo kategori