4 ditë i zhdukur, gjendet trupi i pajetë i të moshuarit në Tropojë
Një trup i pajetë është gjetur në vendin e quajtur "Shkëmbi i Rajës", në ujërat e liqenit Fierzë, Koman, Tropojë.

Viktima është identifikuar si Hasan Vatnikaj, 85 vjeç, banues në Bajram Curri.

Gjatë këqyrjes nga eksperti mjeko-ligjor, në trupin e shtetasit Hasan Vatnikaj nuk janë konstatuar shenja dhune.

Në bazë të veprimeve hetimore dyshohet se ky shtetas është vetëmbytur.

Më datë 11.12.2020, në Komisariatin e Policisë Tropojë, kanë bërë kallëzim familjarët për humbjen e shtetasit Hasan Vatnikaj, i cili vuante nga skleroza dhe nuk shikonte mirë.

Nga shërbimet e Policisë janë marrë të gjitha masat për gjetjen e tij.

Materialet i kaluan Prokurorisë së Rrethit Gjyqësor Tropojë, për vlerësim.
Shtuar më 15/01/2021, ora 13:34

Shkruani komentin tuaj!
Të fundit nga kjo kategori