Katër të mitur janë vënë nën hetim nga policia e Tiranës pasi akuzohen për vjedhje.
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori dhe nisi procedimi në gjendje të lirë për 4 shtetas të mitur (të moshave 14 dhe 17 vjeç)”, thuhet në njoftimin zyrtare.
Dyshohet se të miturit, nën kërcënimin e një mjeti prerës, iu kanë marrë një shumë parash, disa bashkëmoshatarëve të tyre.
Materialet i kaluan Prokurorisë, për veprime të mëtejshme procedurale./Albeu.com/