“E kam babin prokuror”, policia vihet në lëvizje pasi e reja shqiptare shau dhe kërcënoi kalimtaren në vijat e bardha

Prokuroria Themelore e Prishtinës ka reaguar për videon ku një grua në Prishtinë dëgjohet duke e sharë e kërcënuar një kalimtare, të cilën për pak e goditi me makinë. Kjo e fundit, i kërkon kalimtares të largohet nga rruga, duke i thënë se e ka babain prokuror.

Zëdhënësja e Prokurorisë, Laureta Ulaj, i ka thënë Gazetës Express se Prokurori i Shtetit në koordinim me Policinë janë duke i ndërmarrë të gjitha masat e nevojshme.

“Rastit të cilit i referoheni, ju njoftojmë se Prokurori i Shtetit në koordinim të plotë me policinë janë duke i ndërmarrë të gjitha masat e nevojshme karshi këtij rasti”, ka thënë Ulaj për Express.

Nga Policia e Kosovës ende s’janë deklaruar për rastin.

Ndryshe, në videon e publikuar, shoferja dëgjohet duke e sharë kalimtaren, pasi kjo e fundit i kërkon që t’i kërkojë falje.

“Po ma thirr Policinë a? Babin e kom prokuror, ta q** nanën. Ma mirë e ki me ec se po ta q** nanën”, dëgjohet ajo duke thënë./Gazeta Express