Virusi Ebola, ISHSH apel qytetarëve: Mund të infektoheni, mos udhëtoni drejt Afrikës
Pëlqej
Inspektoriati Shtetëror i Shëndetësisë, me anë të një apeli të hapur i është drejtuar të gjithë qytetarëve shqiptarë, të mos udhëtojnë drejt Afrikës, pasi rrezikohen të preken nga virusiEbola”.

Kjo deklaratë është bërë gjatë një takimi pune në mjediset e Aeroportit të Tiranës “Nënë Tereza”, për bashkërendimin e punës për parandalimin e përhapjes së infeksioneve përmes rasteve eventualisht të importuara, të prekura nga virusi Ebola.

Kryeinspektori i Inspektoriatit Shtetëror të Shëndetësisë, Eltar Deda, ka bërë me dije se deri tani nuk ka asnjë rast të prekur me virusin Ebola në vendin tonë. Ai shtoi më tej se tashmë janë marrë të gjitha masat.

“Deri tani nuk kemi patur rast për të prekur me virusin Ebola. Kemi marrë të gjitha masat, ndërsa i'u bëjmë thirrje të gjithë qytetareve, që të mos udhëtojnë drejt Afrikës, pasi rreziku i prekjes nga ky virus është tepër i lartë.

Kemi bashkëpunuar me të gjitha instuticionet përgjegjëse, po ashtu jemi në kontakt të vazhdueshëm edhe me aeroportet e shteteve të huaja, për të eleminuar çdo rrezik të mundshëm”, tha Deda. /albeu.com/
Shtuar më 06/08/2014, ora 13:23
Shkruani komentin tuaj!
Të fundit nga kjo kategori