Zv.ministri i AAK-së mbetet i mbyllur në qeli
Gjykata e Apelit e Kosovës, i ka refuzuar si të pa bazuara ankesat e avokatëve mbrojtës kundër caktimit të masës së paraburgimit prej një muaji, ndaj ish-zëvendësministrit Musa Cena dhe dy të pandehurve të tjerë.

Në këtë mënyrë Gjykata e Apelit, e ka lënë në fuqi aktvendimin e Gjykatës Themelore në Prishtinë, e cila i caktoi një muaj paraburgim të dyshuarve për veprat penale “marrje e ryshfetit” dhe “keqpërdorim i detyrës zyrtare”.

Gjykata e Apelit e Kosovës, i ka refuzuar si të pa bazuara ankesat e avokatëve mbrojtës kundër caktimit të masës së paraburgimit prej një muaji, ndaj të pandehurve M.C., N.SH. dhe H.SH”, thuhet në njoftimin e Gjykatës së Apelit.

Gjykata e Apelit, gjen se gjykata e shkallës se parë, ka dhënë arsye të mjaftueshme, mbi bazën ligjore për të cilën ka caktuar masën e paraburgimit ndaj tij, konform dipspozitave te nenit 187 të Kodit të Procedurës Penale të Republikës se Kosovës.

Ish-zv.ministri i Zhvillimit Rural, Musa Cena ishte arrestuar më 20 tetor nën dyshimet se ka marrë ryshfet. Bashkë me të u arrestuan edhe shefi i Drejtorisë së Bujqësisë në Komunën e Rahovecit Nusret Shala dhe Hazër Shehu, pronari i kompanisë private “Gentle Research”.


Shtuar më 30/10/2018, ora 13:52
Shkruani komentin tuaj!
Të fundit nga kjo kategori