"Zgjedhjet e jashtëzakonshme janë ëndërr e dembelëve"
Këshilltari i kryeministrit Isa Mustafës, Bajram Gecaj, ka thënë se se zgjedhjet e jashtëzakonshme në Kosovë janë vetëm ëndërr e dembelëve.

Përmes një postimi në rrjetin social "Facebook", Gecaj shkruan se opozita ka për qëllim ta dëmtojë qeverinë, ndërsa nga ana tjetër, vazhdon të pretendojë se po mbron interesat e Kosovës.

"AAK paska kërkuar t'i drejtohemi popullit me zgjedhjejashtëzakonshme dhe të na vlerësoi qytetari se kush ka të drejtë e kush jo.

Pra edhe AAK i është bashkangjitur kërkesës me turr dhe të papërmbajtur për dalje sa më të shpejtë në zgjedhje.

Atyre që po kërkojnë zgjedhje të reja u është mbushur mendja se do të fitojnë. Sa më shumë po kërkojnë zgjedhjejashtëzakonshme aq më shumë po trimërohen.

Kur pozita po i injoron me të drejtë, për të mos i lënë anash punët e shumta, ata po mendojnë se ne kemi frikë për këtë duel.

Kështu puna e opozitës është bërë, mospuna apo ëndrra për zgjedhjejashtëzakonshme. Kjo qasje vazhdon të jetë përjashtuese, kokëforte dhe e dëmshme.

Çdo iniciativë, çdo ftesë, çdo veprimtari e Qeverisë ka një përgjigje nga opozita – ZgjedhjeJashtëzakonshme – E në anën tjetër po kjo opozitë vazhdon ta kualifikoj qeverinë se nuk bashkëpunon, nuk është fleksibile e të tjera të ngjashme.

E keqja më e madhe është se me këtë qasje kjo opozitë qëllimshëm dëshiron ta dëmtoj qeverinë dhe në anën tjetër të vazhdoj të pretendoj se me këtë po i mbron interesat vitale të Kosovës.

Në të vërtetë tash sa kohë po e bënë mu të kundërtën. Është vërtetë punë e gjatë dhe e lodhshme të punohet në mënyrë demokratike duke qenë në opozitë.

Punoni mos bojkotoni, sepse të qenët në opozitë duhet kuptuar si punë të madhe dhe ushqim demokratik për shoqërinë.

E sa për zgjedhje këtë duel do ta bëjmë në vitin 2018. Deri atëherë ne do të punojmë – për ju nuk e di", ka shkruaj Gecaj. /albeu.com/
Shtuar më 18/11/2016, ora 10:50

Shkruani komentin tuaj!
Të fundit nga kjo kategori