Zeka nuk do të dëshmojë në rastin e Fatmir Limajt
Në gjykimin ku Fatmir Limaj akuzohet për krim të organizuar dhe shpërdorim detyre, prokurori Charles Hardaway ka kërkuar që në cilësinë e dëshmitarit të ftohet Milaim Zeka.

Përveç Limajt gjykohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Zuka.

Deputeti i Koalicionit PAN Milaim Zeka nuk do të dëshmojë në gjykimin e Limajt dhe të tjerëve për krim të organizuar dhe keqpërdorim detyre.

Refuzimin e kërkesës së prokurorit Charles Hardaëay e bëri të ditur kryetarja e trupit gjykues Maria Tuma.

“Propozimi i prokurorit hedhet poshtë. Provat e propozuara nga ana e prokurorit janë shumë të përgjithshme e asgjë specifike. Ky është vendimi i trupit gjykues”, tha Maria Tuma.

MIlaim Zeka do të jetë deputet i Koalicionit PAN në Kuvendin e dalë nga zgjedhjet e 11 qershorit.

Zeka fitoi 12 mijë e 82 vota.

Ai iu bashkua Nismës për Kosovën pak para zgjedhjeve të 11 qershorit. /albeu.com/
Shtuar më 13/07/2017, ora 12:07
Shkruani komentin tuaj!
Të fundit nga kjo kategori