Xhemshit Vokrri, kandidat i VV-së në Besianë
Sot, qendra e Lëvizjes Vetëvendosje në Besianë mbajti konferencë për media, ku shpalli edhe fituesin e zgjedhjevebrendshme për kandidat për Kryetar të Komunës së Besianës, i pranishëm në këtë konferencë ishte edhe Kadri Balaj, babai i dëshmorit Mon Balaj.

Ditën e premte, më 30 gusht, anëtarët e 28 pikave të Lëvizjes në Besianë kanë votuar për të zgjedhur kandidatin për kryetar komune, sipas parimit një anëtar një votë. Gjatë procesit të zgjedhjeve dhe numërimit të votave, nuk është vërejtur asnjë parregullsi. Rezultatet paraprake janë shpallur qysh ditën e shtunë.

“Pas pritjes 24 orëshe, pranë Komisionit Zgjedhor ad hoc të Qendrës nuk është paraqitur asnjë ankesë. Andaj, ne si komision vlerësojmë procesin e zgjedhjeve si të lirë dhe në përputhje të plotë me frymën e demokracisë së brendshme, të shprehur në statutin dhe rregulloren për zgjedhjet e brendshme në VETËVENDOSJE!. Sot, shpallim fitues të këtyre zgjedhjeve për kandidat për Kryetar të Komunës së Besianës, z. Xhemshit Vokrri, i cili ka fituar 99,6% të votave”, tha Fatmir Latifi nga Komisioni Zgjedhor ad hoc i Qendrës. /albeu.com/
Shtuar më 01/09/2013, ora 15:39
Shkruani komentin tuaj!
Të fundit nga kjo kategori