Xhemajl Pllana shpallet kandidat i VV-së në Vushtrri
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Sot qendra e Lëvizjes Vetëvendosje në Vushtrri mbajti konferencë për media për të shpallur kandidatin e saj ër Kryetar të Komunës së Vushtrrisë.

Ditën e diele, nga ora 10:00 e mëngjesit deri në ora 20:00 në mbrëmje, anëtarët e Lëvizjes VETËVENDOSJE! në 18 Pika të Komunës së Vushtrrisë, kanë votuar për të zgjedhur kandidatin për Kryetar të Komunës.

Faton Shabani, nga Komisioni Zgjedhor Ad-Hoc i Qendrës, tha se gjatë 24 orëve pas publikimit të rezultateve, nuk ka pasur asnjë ankesë lidhur me procesin e brendshëm zgjedhor.

“Meqë nuk kishte asnjë ankesë, sot, ne si Komision Zgjedhor Ad-Hoc i Qendrës, shpallim rezultatet përfundimtare të zgjedhjeve të brendshme në Vushtrri si në vijim: kandidati Besim Muzaqi ka marrë 46.76 % të votave, ndërsa kandidati Xhemajl Pllana ka marrë 53.24% të votave. Pra, fitues i zgjedhjeve të brendshme për kandidat të Kryetar të Komunës së Vushtrrisë shpallet profesor Xhemajl Pllanën”, theksoi Shabani.

Kryetari i VV-së Albin Kurti, duke uruar profesor Xhemajl Pllanën për angazhimet e reja që i ka marrë nga aktivistët e VETËVENDOSJE!-s në Vushtrri, tha se Pllana është veprimtar i hershëm i çështjes kombëtare, i cili aktivitetin e tij politik e ka filluar që nga viti 1975 në celulën “Shkëndijat e Kuqe”, pastaj në Lëvizjen e Metush Krasniqit e Jusuf Gërvallës, me ç’rast burgoset e izolohet disa herë .

Ndërsa Xhemajl Pllana, kandidati i Lëvizjes VETËVENDOSJE! për Kryetar të Komunës së Vushtrrisë, falënderoi aktivistët e Qendrës së Lëvizjes në këtë komunë për përgjegjësinë që i dhanë.

I pranishëm në përzgjedhjen e kandidatit të VV-së ishte edhe Besim Muzaqi. /albeu.com/
Shtuar më 30/07/2013, ora 16:35
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com