Lëvizja Vetëvendosje ka ndjekur me shqetësim arrestimin e veprimtarit shqiptar në Mal të Zi, Naim Prelvukaj.

Naim Prelvukaj është arrestuar bazuar mbi një akuzë të mëhershme që i është ngritur si rrjedhojë e organizimit të protestave që janë zhvilluar për të kundërshtuar vendimin për ndërtim të një vendgrumbullimi mbeturinash në Komunën e Plavës, shumë afër vendbanimeve dhe burimeve të ujit.

Ai ka qenë po ashtu luftëtar i UÇK-së dhe gjithnjë e ka vazhduar veprimtarinë në mbrojtje të të drejtave të shqiptarëve në Mal të Zi.

Lëvizja VETËVENDOSJE! kërkon prej autoriteteve të Malit të Zi lirimin e menjëhershëm të Naim Prelvukajt dhe respektimin e të drejtës së popullit shqiptar autokton në Mal të Zi për të protestuar e për të marrë vendime mbi zhvillimin e vendbanimeve të tyre. /albeu.com/