VV kërkon më shumë vëmendje për librin
Pëlqej
Lëvizja Vetëvendosje ka kërkuar kod të veçantë dhe rritjen e buxhetit për librin.

Deputeti Sami Kurteshi, në një konferencë për media të mbajtur për nder të Ditës Botërore të Librit tha se VV-ja është e shqetësuar edhe me gjendjen e bibliotekave në Kosovë, derisa sa i përket “mohimit të së drejtës të të rinjve për qasje në libër tha se edhe rezultatet e mëparshme të testit PISA janë pasqyrë e gjendjes aktuale”.

Ai u shpreh i shqetësuar edhe me numrin e vogël të literaturës që bibliotekat në Kosovë posedojnë, duke thënë se me më pak se 2 milionë libra, Kosova ka më pak se një libër për kokë banori.

Po ashtu, ai theksoi se bibliotekat në nivel komunal janë në gjendje të rëndë nga infrastruktura e deri tek mos përditësimi i fondit të librave.

Sipas tij, këto biblioteka nuk funksionojnë, nuk janë të lidhura mes vete dhe nuk i plotësojnë as standardet minimale bashkëkohore për funksionimin e tyre.
Shtuar më 23/04/2018, ora 16:56
Shkruani komentin tuaj!
Të fundit nga kjo kategori