Vuçiç kërcënon shqiptarët: Jemi 10 herë më të fuqishëm
Me rastin e shënimit të 20-vjetorit të bombardimeve të NATO-s kundër Serbisë në një solemnitet rasti foli presidenti serb, Aleksandar Vuçiç, ndërsa duke aktruar se është tepër i emocionuar, në një çast lëshoi edhe disa pika lot.

Duke e përmendur Jamie Shean, të cilin e cilësoi si njërin nga fajtorët kryesorë për bombardimin e Serbisë, Vuçiqi nisi të flasë me zë të dridhur.

“Askush nuk u përgjigj për krimet, civilët serbë për NATO-n ishin vetëm gabim. Dy mijë e pesëqind jetë nuk do t’i harrojmë dhe nuk guxojmë t’i harrojmë. Gabim janë ata të cilët i vranë. Këtë Serbia sot guxon dhe duhet ta thotë, sepse sa do që të punojnë kundër saj, Serbia është më e fortë dhe më e fuqishme se kurdoherë”, ka thënë Vuçiçi.

Ai ka përsëritur se Serbia nuk dëshiron të hyjë në NATO dhe se neutraliteti ushtarak është zgjedhje e natyrshme.

Duam të jemi ata që jemi dhe asgjë më shumë, askënd s’e kërcënojmë, porse Serbia sot është 10 herë më e fuqishme se në vitin 1999 dhe 20 herë më e fuqishme se më 2008, porositi Vuçiçi.
Shtuar më 25/03/2019, ora 15:05
Shkruani komentin tuaj!
Të fundit nga kjo kategori