Vuçiç hyn në Kosovë por ndryshon agjendën
Presidenti i Serbisë, Aleksandër Vuçiç me eskortën e tij, para pak minutave kanë hyrë në territorin e Kosovës përmes kufirit të Jarinjes.

Vizita e tij ndodh pas vrasjes së politikanit serb, Oliver Ivanoviç, që ndodhi këtë javë në veri të Mitrovicës, ku vrasësit dhe motivet e vrasjes ende nuk dihen.

Ndërkohë, ka ndryshuar agjenda e tij.

Së pari ai do ta vizitojë manastirin Banjska.

Pastaj nga ora 12:00, do të bëjë homazhe në vendin ku është vrarë Oliver Ivanoviçi.

Rreth orës 12:15 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.

Pastaj do të niset për në Graçanicë, ku në orën 17:00 do ta vizitojë Manastirin, pastaj në ora 17:30, do të ketë takime me qytetarë në Shtëpinë e Kulturës në Llapnasellë.
Shtuar më 20/01/2018, ora 11:21

Shkruani komentin tuaj!
Të fundit nga kjo kategori