Vuçiç: Erdogan të kërkojë falje
Deklarata e kryeministrit turk, Recep Tayyip Erdogan, se “Kosova është Turqi dhe Turqia Kosovë” ka nxitur reagimin e autoriteteve serbe. Zëvendëskryeministri i Serbisë, Aleksandar Vuçiç, i ka bërë thirrje Erdoganit që urgjentisht të kërkojë falje.

“Kjo deklaratë është skandal i madh dhe i bëj thirrje Turqisë dhe kryeministrit të saj, Erdogan, të kërkojë falje publike. Kjo është një sjellje e papranueshme në marrëdhëniet ndërkombëtare dhe duhet të shohim se cilat do të jenë reagimet e shteteve të tjera”,-ka thënë Vuçiç, bëjnë të ditur mediat në Beograd.

Të enjten ka reaguar edhe Ministria e Jashtme e Serbisë, duke thënë se “të gjithë në botë e dinë se Kosova është fjalë serbe dhe territor serb, madje edhe ata që kanë pranuar këtë kuazi-shtet”.

Erdogan e ka bërë deklaratën gjatë qëndrimit në Kosovë, me rastin e inaugurimit të terminalit të ri të Aeroportit të Prishtinës. /albeu.com/
Shtuar më 25/10/2013, ora 12:31

Shkruani komentin tuaj!
Të fundit nga kjo kategori