Vuçiç dhe Macron takohen sot, flitet edhe për Kosovën
Pëlqej
Presidenti i Serbisë, Aleksandar Vuçiç ka arritur në Paris ku sot do të takohet me homologun e tij francez, Emmanuel Macron.

Në mesin e shumë temave, ajo kryesore pritet të jetë dialogu ndërmjet Kosovës dhe Serbisë.

Se një gjë e tillë do të jetë tema më e diskutuar e ka konfirmuar dje edhe ambasadori francez në Beograd, Frederic Mondolini.

Ai ka thënë se mesazhi më i dhimbshëm do të jetë ai për Kosovën.

Mesazhi i tretë, siç ka thënë ambasadori francez në Beograd Frederic Mondoloni është tema e dhimbshme që ka të bëjë me Kosovën dhe me ripërtëritjen e dialogut ndërmjet Beogradit e Prishtinës.

“Shpresojmë që ky dialog do të sjellë ndonjë rezultat dhe përparim drejt normalizimit të marrëdhënieve”, ka thënë Mondoloni.

Dy mesazhet tjera sipas ambasadorit francez janë raportet ndërshtetërore dhe rruga evropiane e Serbisë.

Ndryshe menjëherë të mërkurën Vuçiç do të takohet me Thaçin në Bruksel.


Shtuar më 17/07/2018, ora 07:56
Shkruani komentin tuaj!
Të fundit nga kjo kategori