Presidentja e Kosovës, Vjosa Osmani pritet të vizitojë më 4 shtator Shqipërinë me ftesë të Presidentit Bajram Begaj.
Ajo do do të pritet me një ceremoni shtetërore në ambientet e Presidencës.
Dy ditë nga vizita e saj në Shqipëri është bërë publike dhe agjenda e vizitës
10:00 – Ceremonia Zyrtare e Mirëseardhjes në Institucionin e Presidentit të Republikës së Shqipërisë.
Vijohet me takimin mes dy Presidentëve dhe më pas takimin e zgjeruar mes delegacioneve.
11:40 – 12:05 Konferencë për shtyp e dy presidentëve.
Përgjatë qëndrimit në Shqipëri, Presidentja Osmani ka parashikuar edhe takime të tjera të nivelit të lartë.
Kjo është vizita e parë e Presidentes së Kosovës që nga koha kur kreu i shtetit Bajram Begaj mori detyrën.
