Ministri i Punëve të Brendshme të Serbisë, Nebojsha Stefanoviç ka kërkuar takim urgjent me përfaqësues të EULEX-it dhe të KFOR-it.

Ai e ka kërkuar këtë takim, fill pas incidentit të rëndë të ndodhur në zonën e Kurshumlisë në Serbi, ku një polic serb humbi jetën dhe një shqiptar u vra e një tjetër po shqiptar u plagos.

"Unë pres që të mbahet një takim urgjent në beograd lidhur me këtë çështje", ka thënë Stefanoviç.

Mediat serbe kanë raportuar për rastin se "prerës pyjesh ilegalë kanë shtënë kundër xhandarmërisë serbe dhe me këtë rast është vrarë një polic, Stevan Sinxheliç".

Ndërkaq, Koha.net ka informuar se nga sulmi ka vdekur edhe një shqiptar dhe është plagosur një tjetër.

I plagosuri po mjekohet në Nish të Serbisë. /albeu.com/