Shoku i tij Ilir Sefaj ka bërë një dedikim prekës për vetëvrasjen e pjesëtarit të FSK-së.

“E kam pasur rastin të bashkëpunoj për një kohë të shkurtër me Kolonel Gyrner Muratin. Ushtarak e njëri më të kompletuar nuk kam takuar në jetë. Një burrë që ka punuar e vepruar me nder për vendin e në veçanti për ushtrinë e Kosovës, iku kaq tragjikisht. Një fund të tillë për të nuk do të mund ta imagjinonte askush që e ka pasur fatin ta njohë këtë Burrë. Të qoftë i lehtë dheu i Kosovës, Kolonel”, ka shkruar ai.

Viktima është i moshës 47-vjeç, ndërsa nuk raportohen shkaqet që çuan deri te marrja e vendimit për kryerjen e këtij akti.

Ndërsa, edhe nga Ministria e Forcës së Sigurisë së Kosovës e kanë konfirmuar lajmin për vdekjen e pjesëtarit të FSK-së.

“Po e konfirmojmë lajmin, se ka ndodhur rasti tragjik ku oficeri i FSK-së kolonel ka bërë vetëvrasje. Policia e Kosovës dhe e FSK-së janë duke u marr me rastin. Për çdo informacion të ri do të ju njoftojmë me kohë”, është bërë e ditur nga FSK.