Vetëvendosje kundër Gjermanisë
Lëvizja Vetëvendosje i është kundërpërgjigjur këshilltarit të Angela Merkelit, i cili dje në Kosovë kërkoi vazhdim të dialogut me Serbinë.

Glauk Konjufca tha se dialogu është i parabartë dhe se në të flitet për çështje të brendshme të Kosovës, gjë e cila as që duhet të ndodhë.

“VV nuk është kundër dialogut në parim, por dialogut me Serbinë duhet t`i vendoset kushte. Nuk mund të bisedohet me Serbinë që ka Kushtetutën me Kosovën si pjesë e saj, me Serbinë që nuk e njeh Kosovën dhe që financon strukturat paralele. Qeveria e ardhshme, nëse ne do ta mbështesim, do të thotë se ne jemi kundër një dialogu të pabarabartë. A do ta përkrahim nga jashtë apo nga brenda qeverinë, do të varet nga pjesa e tretë e negociatave”, tha Konjfuca për RTK.

Sipas tij, VV do të insistojë që dialogu të mos jetë në kushte të pabarabarta dhe që Serbia të mos ndërhyjë më në punët e brendshme të shtetit të Kosovës. /albeu.com/


Shtuar më 22/06/2014, ora 12:33

Shkruani komentin tuaj!
Të fundit nga kjo kategori