"Vetëvendosje gaboi rëndë që nuk u 'shkri' në LDK"
Haki Abazi ka thënë se Lëvizja Vetëvendosje gaboi rëndë që nuk shkoi në listë të përbashkët me LDK'në, dhe pavarësisht dallimit konceptual, ata duhet ta bënin këtë për hir të qytetarëve, pasi e kanë të qartë se nuk do të dalin fituese në zgjedhjet e 11 qershorit.

"As LDK e as Vetëvendosja vetë nuk kanë mundësi me krijua një shumicë absolute parlamentare kështu që do të ishte e mençur që të krijohej një listë e re e përbashkët të krijohet për qytetarët", ka thënë ai për "Ekonomia Online".

Sa i përket koalicionit PDK-AAK-NISMA, Abazi ka thënë se ky koalicion ia ka lehtësuar zgjedhjen qytetarit, pas sipas tij, është bërë një ndarje në mes të atyre që kanë luftuar kundrejt atyre që ai i quan pjesa e mobilizimit politik paqësor.

Përderisa është shprehur se i dhimbsen AAK dhe NISMA që nuk kanë mësuar nga përvoja e LDK-së.

"Në momentin e fundit të parakalimit të afatit u bë koalicioni parazgjedhor mes PDK-AAK dhe Nismës që në një formë e lehtëson zgjedhjen për qytetarët sepse është ata që kanë luftuar kundrejt atyre që konsiderohen si pjesa e mobilizimit politik paqësor të themi.

Mua më dhimbsen shumë AAK dhe Nisma që nuk kanë mësuar më shumë nga LDK-ja. Janë hyrë më një parti e cila ka tradhëtua koalicionin qeverisës gjatë gjithë kohës edhe vetëm nja kalkulim kanë pasur përpara, interesin e vetë", ka thënë ai. /albeu.com/
Shtuar më 19/05/2017, ora 10:09
Shkruani komentin tuaj!
Të fundit nga kjo kategori