Vetëvendosja në Tiranë, Rama kritikon hapur Kurtin: Lajthitje!
Kryeministri Edi Rama është gjendur shpesh në qëndër të kritikave nga kryeministri i ardhshëm i Kosovës Albi Kurti.

Por në intervistën e fundit të kryeministrit shqiptar, as Rama nuk është kursyer në kritika ndaj Kurtit për cështje të rëndësishme mes dy shteteve.

Rama ka komentuar faktin që Lëvizja Vetëvendosja e Albin Kurtit ka hapur një degë edhe në Tiranë si dhe lajmërimin për një marshim më 28 nëntor me tematikë “bashkimin kombëtarë”, duke e cilësuar si lajthitje në një proces tranzicioni.

Në një intervistë për Top Channel, kreu i qeverisë u shpreh se deklaroi se duhet njëfarë kohe për t’u bërë kryeministër.

“Mendoni për një moment sikur një degë e PS, natyrisht me miratim nga Kryesia dhe nga unë, të bëjë protestë në ditën e pavarësisë së Kosovës dhe të thotë nuk është koha për të festuar, por për të reflektuar, dhe të bëjë një fletërrufe, që duket sikur është nxjerrë nga printerat e opozitës me qeverinë e Kosovës, çfarë do të mendonin njerëzit?

Unë e konsideroj një lajthitje në një proces tranzicioni nga opozita në qeverisje, në një vakum, ku kam qenë edhe vetë dhe duhet njëfarë kohe për të bërë kryeministrin. Sepse kryeministër zgjidhesh ditën kur fillon, por bëhesh me kalimin e kohës”, tha Rama. /albeu.com/

Shtuar më 12/11/2019, ora 16:28

Shkruani komentin tuaj!
Të fundit nga kjo kategori