Vetëm një javë kohë për prokurorinë në dosjen e veteranëve
Edhe një javë kohë i ka mbetur prokurorisë që ta dorëzojë të përmirësuar aktakuzën e njohur në opinion si “Veteranët “, në gjykatë.

Në vendimin e Gjykatës Themelore në Prishtinë, që nga data 9 tetor 2018, prokurorisë i janë lënë në dispozicion 30 ditë kohë që ta përmirësoje dhe qartësojë aktakuzën e rastit “ Veteranët “, në të kundërtën rrezikon të hedhet poshtë një nga rastet më të përfolura në Kosovë.

Arsyeja e kthimit të aktakuzës mbrapa sipas gjykatës është qartësimi se si si e kanë kryer veprën penale të akuzuarit: Agim Çeku, Nuredin Lushtaku, Sadik Halitjaga, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari.

Sipas vendimit të Gjykatës, Prokuroria duhet të sqarojë se a është kryer vepra me veprim apo me mosveprim.


Shtuar më 02/11/2018, ora 16:58

Shkruani komentin tuaj!
Të fundit nga kjo kategori