Vetëm nën trysninë e BE-së mund të kalojë ky ligj
Pëlqej
Projektligji për parandalimin e konfliktit të interesit në ushtrimin e funksionit publik ka kaluar në qeveri para dy javësh, por mundësia e miratimit të tij në Kuvendin e Kosovës shihet me skepticizëm, shkruan sot Koha Ditore.

Kjo, meqë viteve të kaluara, edhe pse është diskutuar e amendamentuar në Kuvend, në momentet e fundit është tërhequr dy herë nga seanca plenare. Herën e parë ishte tërhequr në maj të vitit 2015, nga ish-qeveria e udhëhequr nga Isa Mustafa.

Pas kësaj, nën trysninë e Bashkimit Evropian, Qeveria e Kosovës pati hartuar një projektligj të ri për konfliktin e interesit, të cilin në dhjetor të vitit 2016 e pati proceduar në Kuvend.

Derisa ai ka qenë në procedurë në Kuvend, për shkak të rrëzimit të Qeverisë dhe shkuarjes së vendit në zgjedhje të jashtëzakonshme parlamentare, Projektligji është kthyer në Qeveri për t’u riproceduar në fillim të këtij muaji.


Shtuar më 21/10/2017, ora 08:01
Shkruani komentin tuaj!
Të fundit nga kjo kategori