Vetëm kështu arrij të të ndjej pranë: Fjalët prekëse të vajzës së ish-kryeministrit Rexhepi (FOTO LAJM)

Sot bëhen dy vite nga vdekja e ish-kreyeministrit të Kosovës, Bajram Rexhepi.

Pikërisht në këtë datë nuk kishte si të mungonin fjalët prekëse dhe dhimbja që e bija ndjen dhe sot.
Me anë të një postimi në Facebook, vajza e tij e vetme Vanesa shprehet se ai është shembulli i saj.

"Dy vite pa ty babi jem. Spo mësohem pa ty...
dy vite mall, dy vite sfidë, qe dy vite e kërkoj ftyren tone mes turmës.
Mos harro ti je dashuria ime e parë dhe gjithmonë do jesh krenaria e vetme.
Je i vetmi shembull e un po ndjek pas qka ke lone, e vetem kështu po të ndjej tepër afër.
Të don gjithmonë e vetmja jote."

Dy vite nga vdekja e ish kryeministrit Bajram Rexhepi

Në prill të 2017, ish-kryeministri u shtrua në QKUK për shkak të një sulmi shëndetësor në organet vitale, ndërsa më pas është dërguar në Turqi për shërim jashtë vendit.

Pas një beteje prej pesë muajsh me sëmundjen, Rexhepi ndërroi jetë më 21 gusht 2017 duke lënë pas vetes bashkëshorten dhe vajzën.

Ai ka lindur më 3 qershor të vitit 1954 në Mitrovicë. Në vitin 1979 kishte përfunduar Fakultetin e Mjekësisë në Universitetin e Prishtinës, ndërsa studimet pasuniversitare i ka përfunduar në vitin 1985 në Zagreb, transmeton lajmi.net.

Gjatë luftës së viteve 1998-99 Rexhepi iu bashkua Ushtrisë Çlirimtare të Kosovës dhe kaloi tre muaj në male duke shërbyer si mjek në zonën operative të Shalës. Pas luftës, Rexhepi shërbeu si kryetar i këshillit bashkiak të Mitrovicës dhe kryetar i Mitrovicës së jugut.

Më 4 mars të vitit 2002, pas tre muaj bisedimesh dhe me ndërmjetësimin e ish-kryeadministratorit të atëhershëm të Kosovës, Michael Steiner, Kuvendi i Kosovës zgjodhi Bajram Rexhepin si kryeministrin e parë të Kosovës, ndërsa Ibrahim Rugova ishte zgjedhur kryetar i Kosovës.

Rugova ka vdekur më 21 janar të vitit 2006.

Ndërsa gjatë periudhës 2010-2014 Rexhepi ka qenë ministër i Brendshëm i Kosovës.


Shtuar më 21/08/2019, ora 11:00
Shkruani komentin tuaj!
Të fundit nga kjo kategori