Veseli: Muret i takojnë së shkruarës, Kosova është e drejtuar nga e ardhmja
Kreu i parlamentarit të Kosovës, Kadri Veseli, ka lajmëruar qytetarët që të mos bien pre e asnjë provokimi. Ky koment ka ardhur pas rrëzimit të murit në veri të Mitrovicës.

Veseli ka shkruar se muret i takojnë së shkuarës dhe se Kosova është e drejtuar nga e ardhmja.

"Rrëzimi i murit në Mitrovicë është qëndrim yni se Kosova është e të gjithë qytetarëve të saj. Ky nuk ishte një veprim për politika ditore, por një përkushtim i palëkundur se Kosova është një dhe si e tillë ofron mundësi për të gjithë qytetarët, pa dallim.

Muret i takojnë të së kaluarës, ndërsa Kosova është e drejtuar nga e ardhmja.

Qëndrimi im, që nga dita e parë, ka qenë se s’do ta shfrytëzojmë murin për retorika nacionaliste, por se ai do të largohet për shkak të qytetarëve tanë në jug dhe në veri.

Rrënimi i murit, në mënyrë krejtësisht të qetë, tregon sa i rëndësishëm është dialogu i brendshëm.

Për këtë, jam i lumtur dhe kërkoj nga të gjithë qytetarët dhe faktori politik që të mos bien pre e asnjë provokimi e as nxitjeje", ka shkruar kryeparlamentari Veseli në profilin e tij në "Facebook". /albeu.com/
Shtuar më 05/02/2017, ora 15:14

Shkruani komentin tuaj!
Të fundit nga kjo kategori