Policia e Kosovës ka bërë të ditur se një minator serb, 53-vjeçar, nga Leshaku i Leposaviqit, aksidentalisht ka humbur jetën në minierën e “Trepçës” Bello Bërdo, të Leposaviqit.
Sipas RTK, policia ka thënë se minatori, ka humbur jetën aksidentalisht gjatë lëshimit poshtë në një nga horizontet e minierës.

Në vend të ngjarjes, veç njësive patrulluese të stacionit Leposaviq, janë paraqitur edhe hetuesit rajonalë së bashku me prokurorin publik të qarkut dhe ekipin e mjekësisë ligjore nga Prishtina.