Vazhdojnë bisedimet teknike në Bruksel
Sot dhe nesër po vijojnë bisedimet në Bruksel, ku temat kryesore do të jenë liria e lëvizjes, marrëveshja për njohjen e ndërsjellë të diplomave universitare, kthimi i dokumenteve kadastrale dhe funksionimi i zyrave ndërlidhëse.

Tema kyesore e këtyre bisedimeve duket se do të jetë vlerësimi i gjendjes në zbatimin e disa prej marrëveshjeve ku janë shënuar ngecje dhe zgjidhjet e mundshme, si dhe pjesë e diskutimit do të jenë dhe liria e lëvizjes, marrëveshja për njohjen e ndërsjellë të diplomave universitare, kthimi i dokumenteve kadastrale dhe funksionimi i zyrave ndërlidhëse.

Mësohet se pjesë e këtyre takimeve për çështjen e diplomave universitare do të marrë dhe ministri për Arsim, Shkencë dhe Teknologji, Arsim Bajrami.

Sipas një njoftimi për shtyp nga Qeveria e Kosovës, në këto takime, Qeveria do të paraqes qëndrimet e saj për problemet e krijuara nga Serbia në zbatimin e marrëveshjeve në fjalë si dhe do të kërkojë përshpejtimin dhe zbatimin e plotë dhe cilësor të këtyre marrëveshjeve duke theksuar rolin e Bashkimit Evropian si mjaft të rëndësishëm për konsolidimin dhe progresin e këtij procesi. /albeu.com/

Shtuar më 28/09/2015, ora 09:12

Shkruani komentin tuaj!
Të fundit nga kjo kategori