Një ditë më parë në sheshin “Nënë Tereza” u mblodhën mijëra qytetarë për të ngritur zërin e tyre kundër abuzimeve seksuale.
Qytetarë nga moshat nga më të ndryshmet dhe pa dallim gjinie, u bënë bashkë në këtë protestë për të dënuar abuzimet seksuale dhe për të kërkuar një të ardhme më të sigurt për të gjitha vajzat.
“Për fëmijërinë e vjedhur’, “Mbroni vajzat, jo pedofilët’, ‘Pse nuk raportojmë’, ‘Marshoj për vajzën dhe mbesat e mia’, ‘Mos përdhuno’ ishin disa nga sloganet dhe pankarta që qytetarët mbanin në duar.
Në këtë protestë ra në sy pjesëmarrja e madhe edhe e personazheve të njohur të ekranit. Në mesin e tyre ishte edhe moderatorja e aktorja e njohur, Rudina Dembacaj. Kjo e fundit ka postuar në “Instastory” disa imazhe ku shfaqet së bashku me dy vajzat e partnerit, Mark Frroku.
“#përfëmijërinëevjedhur”, shkruan ajo në foto. Gjithashtu ajo ka ndarë me ndjekësit edhe një foto të saj ku shkruan: “Për fëmijërinë e vjedhur. #denonco #luftopërtëdrejtatetua #mosifolrudit”.
