Në bisedimet e raundit të tetë në Bruksel, sipas koordinatorit Blerim Shala, nuk ka pasur kurrsesi tensione por tone të civilizuara.

Koordinator politik në bisedime në emisionin “Jeta në Kosovë” e ka thënë se mediat serbe e kanë dramatizuar këtë temë.

“Absolutisht në takimet ku kam qenë unë nuk ka pasur tension, por tone të civilizuara”, tha Shala.

Shala po ashtu tha se bisedimet janë transparente aq sa duhet të jenë për publikun dhe se nuk ka asgjë që po fshihet në to.

Në anën tjetër, ish-ministri Jashtëm i Kosovës, Skënder Hyseni, thotë se ka qenë gabim strategjik që mendohej se do të kishte marrëveshje në raundin e fundit.

Nënkryetari i Kuvendi të Kosovës nga Lëvizja Vetëvendosje, Glauk Konjufca, thotë se kredibiliteti i kësaj qeverie për të udhëhequr këto bisedime është i dobët për shkak të aferave të saj të korrupsionit. /albeu.com/