T’i afrojmë shqiptarët “tanë”, për t’i larguar nga Tirana!
Serbët duhet t'i shohin gjërat afatgjatë, pse jo të ndërtojnë një bashkëjetese me shqiptarët. Kështu ka thënë kryetari i Komitetit të Kuvendit të Serbisë për Kosovën, Milovan Drecun, pasi serbët ende nuk e kanë vendosur nëse do të marrin pjesë në zgjedhjet e 3 nëntorit.

"Duhet të ndërtojmë një themel të fortë për jetën e ardhshme të përbashkët, e të shmangim rrezikun që këta shqiptarë, që i konsiderojmë shtetas tanë, t’i shtyjmë në duart e Tiranës. Kështu, gradualisht ndalojmë bashkimin e Shqipërisë dhe Kosovës”, tha ai për TV Pink, njofton Telegrafi.

Sipas tij, "problemin e Kosovës" do ta zgjedhin vetëm serbët dhe shqiptarët, ndërsa ka shtuar se në proceset e Kosovës nuk ndikon Rusia e OKB, por Shtetet e Bashkuara, Bashkimi Evropian dhe NATO.

Sipas tij, Rusia nuk mund të ndihmojë aspak zgjidhjen e problemit të Kosovës. /albeu.com/
Shtuar më 24/07/2013, ora 18:21

Shkruani komentin tuaj!
Të fundit nga kjo kategori