Thaçi telefonon Vuçiçin herët në mëngjes, ja për çfarë folën
Presidenti i Kosovës, Hashim Thaçi dhe kryeministri i Serbisë Aleksandar Vuçiç, kanë zhvilluar një bisedë telefonike mëngjesin e sotëm, ku kanë folur për nevojën e uljes së tensioneve dhe "zgjidhjen e çështjeve të hapura me dialog dhe në interes të të gjitha palëve".

Zyrtarë të Presidencës së Kosovës thënë për "Radion Evropa e Lirë" se biseda telefonike mes Thaçit e Vuçiçit u zhvillua të mërkurën në mëngjes, në prag të një takimi të dytë në Bruksel, në nivel të lartë politik.

Ky takim ka ardhur me lehtësimin e shefes për politikë të jashtme dhe siguri, Federica Mogherini.

Biseda telefonike e presidentit të Kosovës dhe kryeministrit të Serbisë është e dyta brenda pak ditësh dhe thuhet se është zhvilluar me "qëllim të uljes së tensioneve të ngritura në javët e fundit" që ngritën një "luftë fjalësh" mes palësh.
Shtuar më 01/02/2017, ora 09:52

Shkruani komentin tuaj!
Të fundit nga kjo kategori