Thaçit i pëlqen shkrimi ku flitet ndarja e Mitrovicës
Presidenti Hashim Thaçi kohëve të fundit ka provuar ta bindë secilin që në planet e tij është vetëm që Lugina e Preshevës t’i bashkohet Kosovës e kurrësesi që të ndahet vendi apo të shkëmbehen territoret me Serbinë. Por, ai sot në twitter ka shpërndarë një shkrim, editorialFinancial Times, që mbështet pikërisht shkëmbimin e territoreve me Serbinë, ku pjesë të Veriut do të kalonin në Serbi dhe copëtimin e Luginës në mënyrë që një pjesë t’i takojë Kosovës.

Ditë më parë, gjatë qëndrimit në Shtetet e Bashkuara Presidenti Hashim Thaçi, iu drejtua opinionit publik me një shkrim që e botoi gazeta prestigjioze Financial Times. Publikimi në këtë medium të njohur u mundësua nga Kompania “Chartwell Strategy Group”, që Kosovës i merr 600 mijë dollarë në vit, si pasojë e një marrëveshjeje që e ka bërë Ministria e Punëve të Jashtme e Kosovës.

Rreth dy muaj më vonë Bordi Editorial i po kësaj gazete ka publikuar një shkrim me të cilin mbështet ndarjen e Kosovës

Në analizën sipërfaqësore, FT të titulluar se “Një plan për Ballkanin që meriton të mbështetje të kujdesshme” thuhet se propozimi ka disa rreziqe por mund të sjell edhe përfitime.

Më pas FT zbulon se Thaçi dhe Vuçiç kanë zhvilluar bisedime për shkëmbimin e territoreve.

“Detajet nuk janë zbuluar por dy burrat mësohet se kanë diskutuar shkëmbimin e pjesëve të banuara kryesisht me serbe në Kosovën Veriore me pjesë të Serbisë në Luginën e Preshevës e populluar krytesisht me shqiptarë” shkruan FT.

E shkrimi si duket i ka pëlqyer Thacit.

“Analizë e rëndësishme e bordit editorialFinancial Times mbi rreziqet dhe përfitimit e marrëveshjes finale ndërmjet Kosovës dhe Serbisë – që duhet të cojë në anëtarësimin e Kosovës në OKB dhe Ballkanit në BE” ka shkruar Thaci në Tëitter.


Shtuar më 30/10/2018, ora 16:36

Shkruani komentin tuaj!
Të fundit nga kjo kategori