Thaçi udhëton për SHBA, merr pjesë në pritjen e Trump
Presidenti Hashim Thaçi, sot është nisur për në SHBA, ku do të ketë takime zyrtare në Iowa dhe New York.

Në Des Moines, kryeqytetin e Iowa-s, me të cilin është binjakëzuar Kosova, kreu i shtetit do të vizitojë pjesëtarët e FSK-së që janë duke ndjekur trajnime në Gardën Kombëtare të shtetit të Iowa-s.

Ai po ashtu do të takojë studentet kosovare që kanë shkuar të ndjekin studimet postdiplomike në kuadër të programit “Gratë në energji” të “MFK”.

Ndërsa, në New York, presidenti Thaçi do të ndjek punimet e Asamblesë së Përgjithshme të Kombeve të Bashkuara.

Takimi kryesor është pritja te Presidenti i Shteteve të Bashkuar të Amerikës, Donald Trump.

Thaçi do të marrë pjesë edhe në darkën e shtruar nga Përfaqësuesja e Lartë e BE-së, Federica Mogherini, për liderët e Ballkanit Perëndimor.

kuadër të punimeve të Asamblesë së Përgjithshme të Kombeve të Bashkuara, numri një Kosovës pritet të takojë krerë shtetesh të vendeve nga bota dhe liderë të organizatave ndërkombëtare.
Shtuar më 21/09/2019, ora 09:32
Shkruani komentin tuaj!
Të fundit nga kjo kategori