Thaçi tallet me popullin, mbron drejtorin e AKI-së
Presidenti i Kosovës, Hashim Thaçi, po vazhdon ta mbrojë shefin e AKI’së pas dëbimit që ai besohet se ua ka bërë gjashtë shtetasve turq nga Kosova. Thaçi në një konferencë për media e ka liruar veten nga çdo fajësim për arrestimin e gjashtë shtetasve turq.

Thaçi thotë se AKI ka bërë veprime të tilla edhe në të kaluarën por duke respektuar ligjet në fuqi që janë për të huajtë. Megjithëkëtë Thaçi deklarohet se AKI duhet që të sqarohet lidhur me shkeljet që janë bërë.

“Sipas AKI-së raste të njëjta ka pasur edhe në të kaluarën, kuptohet duke respektuar procedurat në fuqi. Por detajet dhe procedurat duhet të sqarohen nga AKI dhe MPB. Dhe nëse ka pasur shkelje ata duhet të japin përgjegjësi”, ka thënë Thaçi.

Tutje ai është deklaruar që për këtë punë tashmë institucionet përgjegjëse kanë nisur hetimet.Thaçi thotë se edhe avokati i popullit është angazhuar për këtë punë.

“Jam në dijeni që institucionet kanë filluar hetimet për këtë punë. Hetimin o e vazhdon edhe avokati i popullit”, ka thënë Thaçi.

Shefi i shtetit, thotë se ato dështuan t'i mbrojnë të huajt që jetojnë dhe punojnë në Kosovë. Kështu, ai ka vazhduar të tallet me popullin e Kosovës.

"Situata e sigurisë në Kosovës është e qetë, stabile edhe pse jemi në prag të festës, kemi marr të gjitha masat përkatëse që edhe kjo festë të kalojë pa asnjë incident apo kërcenim." tha ai.


Shtuar më 31/03/2018, ora 12:48
Shkruani komentin tuaj!
Të fundit nga kjo kategori