Thaçi: Kosova e përkushtuar në luftën kundër ekstremizmit dhe terrorizmit
Presidenti i Republikës së Kosovës, Hashim Thaçi, ka deklaruar se Kosova mbetet e përkushtuar në deradikalizimin dhe riintegrimin e ish-luftëtarëve të huaj nga Kosova.

Thaçi këtë reagim e ka bërë pas votimit të projektligjit për luftimin e financimit të terrorizmit nga ana e Kuvendit të Republikës së Kosovës.

Lexoni më poshtë postimin e Thaçit në Facebook:

Kuvendi i Republikës së Kosovës votoi projektligjin për luftimin e financimit të terrorizmit.

Kemi miratuar ligjin që synon parandalimin e qytetarëve të Kosovë që t’u bashkohen luftërave të huaja dhe Strategjinë për Parandalimin e Ekstremizmit të Dhunshëm dhe Radikalizmit që shpie në Terrorizëm.

Ndërkaq, fakti që në gjashtë muajt e fundit nuk është regjistruar asnjë kosovar të ketë shkuar të marrë pjesë në luftëra të huaja përbën sukseset e para të angazhimit tonë të përbashkët.

Njëherësh, mbetemi të përkushtuar që të punojmë në deradikalizimin dhe riintegrimin e ish-luftëtarëve të huaj nga Kosova.

Kosova vazhdon të jetë e vendosur dhe kampione në luftën kundër ekstremizmit dhe terrorizmit. /Albeu.com/
Shtuar më 25/05/2016, ora 13:21

Shkruani komentin tuaj!
Të fundit nga kjo kategori