Kryeministri Edi Rama ka reaguar ditën e sotme në lidhje me shkrimin që kanë publikuar sot mediat italiane se lajmi për 1400 kontenierët nga Italia që ishin futur në Shqipëri për t’u groposur ishte porositur nga këshilltari i Metës. Ilir Kulla.
Rama ka akuzuar opozitën, që sipas tij me këto “shpifje plehrash” synonte të furnizonte me municion kundër tij, çadrën e PD që ishte ngritur poshtë dritares së tij.
“Kjo shpifje plehrash kishte synim të furnizonte me municion kundër meje Çadrën nën dritaren e Kryekuvendarit!
Po më e neveritshmja është që plehrat i’u hodhën në fytyrë Shqipërisë në sytë e botës! Ja këta janë opozitarët që duan të shpëtojnë atdheun nga unë!”, shkruan kryeministri.
