E FUNDIT/ Tërmeti shkund Tiranën
Thaçi kërkon marrëveshje për zgjedhjet
Hashim Thaçi
Pas mungesës së konsensusit të domosdoshëm për ndryshimet kushtetuese për vendet e rezervuara për komunitete në Kosovë, Kryeministri Hashim Thaçi ftoi sot spektrin politik të Kosovës që te bëjë reformat e nevojshme zgjedhore që garantojnë proces transparent, demokratik dhe respektim të vullnetit të qytetarëve, si dhe të plotësojmë pritjet e partnerëve tanë ndërkombëtarë.

Përmes një njoftimi në faqen e tij zyrtere në Facebook, Thaçi shprehet se ka ardhur momenti për të bërë reformat e nevojshme ligjore, që prekin ligjin për zgjedhjet nacionale në disa fusha, për të cilat ai pret arritjen e një konsensusi politik.

"Pres aproviminin e Kuvendit në:
- Përcaktimin e kohëzgjatjes së fushatës elektorale,
- Përcaktimin e numrit të kandidatëve në listat zgjedhore,
- Përcaktimin e pragut zgjedhor,
- Përcaktimin e të drejtës për votim me kusht dhe çështje tjera të rëndësisë së përbashkët të të gjithë spektrit politik." shkruan Thapi duke ftuar spektrin politik që këto ndryshime t’i bëjë në afatin e parë të mundshëm, në pjesë e parë të muajit shkurt.

Ai shprehet me tej se PDK-ja shpreh gatishmërinë për pjesëmarrje në debate si dhe vullnet për arritjen e konsensusit politik. /albeu.com/
Shtuar më 25/01/2014, ora 13:53
Shkruani komentin tuaj!
Të fundit nga kjo kategori