Tha nuk i përgjigjet pyetjes: A ju telefonoi Erdogan një natë para rrëmbimit të mësuesve?
Presidenti i Kosovës Hashim Thaçi nuk ka dhënë hapësirë që të diskutohet për çështjen e dëbimit të gylenesitëve para Komisionit Parlamentar që po e heton këtë çështje duke e vënë në pikëpyetje ekspertin ndërkombëtar që ishte angazhuar për ta shkruar raportin e Komisionit rreth rastit.

Në vend të pyetjeve Thaçi dhe deputetët e Komisionit janë përplasur për tema krejtëisht tjera.

Me Anton Qunin, Thaçi është përplasur rreth çështjes së luftës. Quni i ka thënë Thaçit se është frikësuar gjatë luftës, ndërkohë që Thaçi e ka quajtur mercenar.

Me Sami Kurteshin është marrë me një çështje tjetër duke i thënë se i është zvarritur kur kishte tentuar të bëhej avokat i popullit.

Ndërkohë që gjithë kohën në krah i ka dalë kryesuesi i Komisionit Hajdar Beqa i PDK-së i cili është rreshtuar me Hashim Thçcin për të fyer kolegët e tij, shkruan Gazeta Express.

Përveç Beqës të gjithë deputetët kanë thënë se Thaçi në këtë mënyrë po përpiqet t’i ikë dëshmisë ndërkohë që Presidenti është përgjigjur se do të dëshmojë.

Megjithatë deputeti i PSD’së Frashër Krasniqi ka arritur ta shtrojë pyetjen duke e pyetur Hashim Thaci se a kishte telefonuar Erdoganin një natë para se të dëboheshin gylenistët me “thes në krye” drejt Stambollit.
Shtuar më 26/04/2019, ora 17:05
Shkruani komentin tuaj!
Të fundit nga kjo kategori