Tensione në bisedimet e Brukselit
Bisedimet ndërmjet Prishtinës dhe Beogradit në Bruksel po zgjasin më shumë se 4 orë, ndërsa raportohet se atmosfera është e tensionuar dhe dialogu pritet të zgjasë edhe disa orë të tjera.

Siç raporton B92 nga Brukseli, është arritur vetëm memorandumi për mirëkuptim lidhur me sigurimin e automjeteve, derisa çështja e Bashkësisë së Komunave me shumicë serbe mbetet në pikën 0, pasi që palët nuk kanë ndryshuar qëndrim, transmeton IO.

"Atmosfera është e tensionuar dhe e rëndë për shkak të pritjeve të mëdha nga bisedimet. Delegacioni ynë po e jep maksimumin që të arrihen rezultatet e pritura, që të përafrohen qëndrimet dhe të arrihet përparim. Bashkësia... është çështje kryesore, bazë për këtë janë kornizat ligjore dhe përgjegjësitë e Bashkësisë. Pala serbe po tenton që të gjendet zgjidhje kompromisi dhe kushtëzon me përfshirjen e parimeve të arritura për themelimin e Bashkësisë", thotë Dejan Vladisavjeviq nga Zyra për Kosovën.

Sipas tij, në pjesën e dialogut për energjetikën pala kosovare ka tentuar "të dalë nga pjesa e bisedimeve teknike".

"Kanë tentuar që të kalojnë në çështjen e pasurisë, që me një hap potez të zgjidhet çështja e Gazivodës, Valaçit dhe se sistemi distributiv në veri të Kosovës të merret nga serbët dhe të kalojë në pronësi të tyre. Qëndrimi i palës sonë është që kjo çështje nuk mund të diskutohet. Përfaqësuesit e BE-së po tentojnë që të gjejnë kompromis për të dyja palët", ka thënë Vladisavjeviq.


Shtuar më 23/06/2015, ora 17:11
Shkruani komentin tuaj!
Të fundit nga kjo kategori