Të zbatohet marrëveshja
Shefi i diplomacisë gjermane Guido Westerwelle i bën thirrje Serbisë dhe Kosovës që të zbatojnë sa më parë marrëveshjen e saponënshkruar.

“Duam që ajo që është pajtuar mes Serbisë dhe Kosovës, tani të vihet në zbatim. Që të zbatohet vërtet në praktikë” ka thënë Westerwelle, duke shtuar se dhënia e datës për Serbinë nuk është në rend dite.

Siç transmeton Rel, Westerwelle tha “Tani gjëja më e rëndësishme është që ajo për të cilën u pajtuan [Beogradi-Prishtina] të zbatohet. Kur të dimë rezultatet, dhe pasi që të zhvillojmë takime ditëve në vijim dhe të shohim se si po pritet ajo për të cilën janë marr vesh palët në të dy vendet, dhe se si po zbatohet, atëherë ne [Qeveria e Gjermanisë] do të shkojmë në Parlament”. /albeu.com/
Shtuar më 22/04/2013, ora 18:26

Shkruani komentin tuaj!
Të fundit nga kjo kategori