Ishte me pushime te Shkëmbi i Kavajës, 10-vjeçari polak bie nga kati i tretë

Një ngjarje e rëndë ka ndodhur mbrëmjen e djeshme te Shkëmbi i Kavajës.

Sipas burimeve, bëhet me dije se një fëmijë 10-vjeçar nga Polonia dyshohet se aksidentalisht ka rënë nga kati i 3 i një hoteli ku qëndronte.

Sipas policisë, i mituri është transportuar në spital në gjendje të rëndë.

“Rreth  orës 22:50, te Shkëmbi i Kavajës, Durrës, dyshohet se aksidentalisht  ka rënë nga ballkoni i katit të tretë  të një hoteli, një  10 vjeçar, polak, i cili ndodhet në gjendje të rëndë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë./albeu.com/